Si ultimamente bo a bishitá Klein Curaçao, sa ku bo eksperensia ta di sumo importansia pa nos por midi e kapabilidat di e Isla. Nos ke solisitabu humildemente na yena e lista di pregunta athunto, basá riba bo bishita mas resien na Klein Curaçao.

For di 2018 Klein Curaçao ta un area Ramsar, un area rondoná di awa i protehá internashonalmente. Na aña 2023, gobièrnu di Korsou a risibí sosten di Union Europeo via e programa 'Resilience, Renewable Energy and Marine Biodiversity' (RESEMBID).

 

E proyekto “Development Plan for Ramsar Wetland of International Importance #2355: Klein Curaçao” ta analisando kon pa manehá e isla di un manera mas “ Sostenibel”. Un instrumento di sumo importansia den e kaso aki ta análisis di su kapabilidat, pa e motibu ey bo eksperensia ta un fuente di gran importansia. Di antemano danki pa bo aporte.

Si akaso bo a bishitá e isla huntu ku mas persona i boso a tuma parti na e mes un tipo di aktividatnan, bo por yena e formulario un biaha so.

Si bo ta interesá pa sa mas di e proyekto, bishita e wèpsait: www.kleincuracao.cw